明記甜品 (已結業)

前晚同女友係銅鑼灣睇完戲，跟住走落天后食甜品宵夜，見到明記於是走入去試，我叫個榴槤雪葩，同埋椰汁涼粉冰，之後發覺白色椰汁上面有煙灰的物體，大概3mm x 2mm，因為我係煙民，所以一睇就知道肯定係煙灰，於是想叫個四眼侍應話佢知同換過，點知佢話我攪錯，於是用匙羹拔走就算，我話換過碗，佢就好唔情願樣，一路行入房一路細細聲話"會食死你咩"，你真係火到埋話唔要啦，條友入到房仲繼續點煙食，我心諗煙灰白色椰汁上面我就好彩見到，如果換轉係喳喳咪食哂落肚！哩咁服務質素一定唔會再幫趁！！！