川公所 (已結業)

話說見到淘大新開左一間烤魚店，今日見到唔使排隊就同媽咪諗住一試。嗌咗個蒜蓉烤扇貝，但係不是太新鮮，同侍應講，侍應二話不說就話唔好意思，幫忙取消。又嗌咗個烤魚，有個不是太熟手的侍應介紹錯咗平啲嗰隻話係滑d，嚟到發現唔係滑嗰隻同事先話介紹錯，侍應又係二話不說即刻話幫我哋轉滑啲嗰隻，補錢就得。後面老闆嚟咗，話唔好意思要我哋等咁耐，等到飯都凍咗話送多碗白飯俾我哋餸魚。雖然好小事，但俾我哋感到賓至如歸，今時今日咁嘅服務態度好難得，啲嘢又幾好食，下次一定會再幫襯！