牛角次男坊 (東薈城名店倉) (已結業)

之前已經想黎呢間食，但係要自己搵位，又勁多人等緊位，所以每次都放棄左。難得今日咁少食客，同埋今晚我自己一個食，所以就决定食呢間價錢由$68起。A-E餐包飲品同前菜本身我想食B1 餐，問左服務員後發現原來B餐和B1餐的牛肉品種是一樣的，只係加多左蟹肉。但貴左50蚊💸，所以最後都係决定食B餐。記住要攞左位先好買野食呀。如果唔係攞住食物企係度等都幾尷尬😅點完餐之後，侍應就會比一個號碼牌你。咁你只需要坐定定等佢地送上食物。✨牛角次男坊定食 美國肩脊肉$88食物大約五至十分鐘就送到，都算有效率👍🏻跟餐嘅前菜係芝麻醬蕃茄，蕃茄鮮甜。牛肉份量都算多，大約有十塊左右，每塊大約有一隻半手指咁長。🧡燒烤醬汁醃得好入味👍🏻😋一啖牛肉一啖日本米❤️❤️❤️正～飯粒粒分明，有咬口，軟硬適中。餐廳感覺好似高級版嘅快餐店。岩晒香港呢個速食文化而又能夠提供更高嘅食物質素。