烤魚世家雞煲火鍋

營業中

休息中

天氣開始凍，就會心思思想打邊爐🫣今日既心情係想食雞煲，咁啱公司附近又好似開左間新雞煲，就約埋同事收工試下先😂諗住新開應該未太多人，但估唔到夜晚非常爆場！好彩有最後一圍台比我地坐到咋！鋪頭好香烤魚味，隔離台既胡椒豬肚湯聞落都好正！不過最後我地都係揀返雞煲🤣🤣招牌重慶雞煲未煮滾都聞到濃郁既醬香味☺️每一舊雞都超級入味！好麻好辣！超正呀！而且雞肉又滑😍我地點左個招牌肥腸，餐廳幫我地同雞一齊炒，比起就咁打邊爐惹味好多😙其他配料我地叫左黑毛肚，呢個比較少見，重口味湯地啱食。仲有紫菜響鈴卷同大大份既雜菜拼盤，都唔錯呀仲有杯鹹檸7，$35蚊一大桶😂抵呀