影片
更多
2017-10-08
92 瀏覽
一向喜愛食辣野既我，要搵食川菜既飯腳真係唔易，今日難得公眾假期，終於約齊腳一行三人去食辣。位於天后興發街既"十二味不只是烤魚"，門口牆畫色彩繽紛，雖然正門係橫街，但一眼就望到。餐廳裝潢以魚為主題，襯返呢度既主打菜色。餐廳亦提供免費尿袋租借，可以一路食飯一路差電，咁就唔駛驚之後去街電話會無電啦。由於同行既朋友驚食魚多骨，同埋想食多d其他野，所以我地最後無叫主打既烤魚鍋。麻辣豬耳 :食川菜一定會叫既菜色之一，豬耳切到好薄，非常爽口，味道麻麻辣辣，配埋花生同韮黃，話咁快就食晒。口水雞 :另一樣食川菜必食菜色，口水雞份量相當多，面頭舖滿麻辣醬，開頭都驚會好辣，但食落覺得辣度適中，雞肉亦好嫩滑。悶燉兒麻辣香鍋 :之前去柴灣小店試過干鍋念念不忘，見到呢味係招牌菜，就即刻叫黎試下。香鍋非常大份，上檯時熱辣辣，配料有蝦，魷魚，雞腎，午餐肉，菇片，薯仔片同萵筍，十分豐富。雖然面頭舖滿辣椒，但食落覺得麻多過辣，越食越惹味。雞絲隨便涼麵 :食咁多辣野，都要叫返樣唔辣同凍野食。涼麵加入雞絲，青瓜絲同花生醬撈埋食，感覺非常清爽。巴蜀烤茄子 :原條茄子切開兩邊，再加入四川調味粉烤，茄子烤完後唔會太乾，唯一美中不足
位於天后興發街既"十二味不只是烤魚"，門口牆畫色彩繽紛，雖然正門係橫街，但一眼就望到。
餐廳裝潢以魚為主題，襯返呢度既主打菜色。
餐廳亦提供免費尿袋租借，可以一路食飯一路差電，咁就唔駛驚之後去街電話會無電啦。
由於同行既朋友驚食魚多骨，同埋想食多d其他野，所以我地最後無叫主打既烤魚鍋。
麻辣豬耳 :
食川菜一定會叫既菜色之一，豬耳切到好薄，非常爽口，味道麻麻辣辣，配埋花生同韮黃，話咁快就食晒。
口水雞 :
另一樣食川菜必食菜色，口水雞份量相當多，面頭舖滿麻辣醬，開頭都驚會好辣，但食落覺得辣度適中，雞肉亦好嫩滑。
悶燉兒麻辣香鍋 :
之前去柴灣小店試過干鍋念念不忘，見到呢味係招牌菜，就即刻叫黎試下。香鍋非常大份，上檯時熱辣辣，配料有蝦，魷魚，雞腎，午餐肉，菇片，薯仔片同萵筍，十分豐富。雖然面頭舖滿辣椒，但食落覺得麻多過辣，越食越惹味。
雞絲隨便涼麵 :
食咁多辣野，都要叫返樣唔辣同凍野食。涼麵加入雞絲，青瓜絲同花生醬撈埋食，感覺非常清爽。
巴蜀烤茄子 :
原條茄子切開兩邊，再加入四川調味粉烤，茄子烤完後唔會太乾，唯一美中不足既係調味粉有點太重味，蓋過左茄子既鮮味。
豬豬流沙包 :
造型相當別緻，即叫即蒸，鬆軟既包包住熱辣辣既奶皇，奶皇味道唔會太甜，但略嫌唔夠流心，可能蒸既時間可以短少少。
總括黎講，呢度名附其實"不只是烤魚"，除左烤魚外，其他食物都好味道，下次想食辣真係可以再黎呀。
張貼
