新蕃薯苗小館 (已結業)

以前住北角黎食過烤魚，正宗重慶口味，同frd食過翻尋味，一年後打算介紹俾新朋友，黎之前仲同人地積極推介有幾好食…點知一上菜就發現唔對路………配菜以前係豆皮，薯仔絲，簡簡單單又正宗……衣家？包菜？香菇？燜魚咩？？！！以前果底好多好香嘅重慶辣椒，衣家？得幾粒花椒扮下嘢…個薯仔仲搞笑，隔離m記炸薯條甘掉入去燜甘，係咪你地自己外賣食淨？一見唔對路就問夥計，係咪我地點錯咗第隻烤魚，仲有其他款烤魚？被告知得一種，而且一路都係甘樣………無語咗好耐，可能隔離老細聽到，有人先入去廚房同出黎問咗一圈，跟住出黎話原來係原先整烤魚個師傅放假，今日個廚師唔識整烤魚…………有冇搞錯！！甘就唔好同客人落單啦！！一開頭仲話一直甘樣冇變過？！！甘都算，食飯除左食物，都要好心情，冇同佢拗…但係繼續都好差，用黎加熱烤魚個火超級弱，我地食咗大半條魚都竟然未滾到…真係覺得寧願自己翻去睇食譜整都唔會比尼個差！！已經甘差，關鍵店鋪處理危機能力也很差，竟然叫我下次黎食叫返個師傅整返俾我食………哈哈哈哈哈，你覺得甘樣嘅出品同態度，仲會有下次？？真係當客人傻仔甘氹咯…仲炒咗個番薯苗……一d都唔好食，朋友都勸我以後唔好黎啦…唉，本來係想介