汀汀烤活魚 (已結業)

毫無幹勁嘅星期一決定收工去食餐好嘅回復體力！夜晚黎到三陂坊呢度食嘢一定好熱鬧！今晚食汀汀烤魚，先黎個小食花生配豆，估唔到咁好食。第一次食已經切片好哂嘅桂花魚二食。感覺好新奇，湯底係我好鐘意嘅麻辣湯，味道好特別，好似食到羊腩煲嘅味道加上有啲藥材嘅味道，成個煲好養生咁味道真係第二度食唔到！桂花魚都好鮮味，魚質口感好滑！另外二食揀咗椒鹽魚腩，重口味人士岩哂！夠哂入味。食完一舊又一舊，送酒一流！ 咁正嘅湯底一定要配竹笙吸哂啲味先夠滿足！竹笙大大條，夠足料！今晚點少得椒鹽魷魚酥，真係好惹味！唔會太咸！今晚真係大滿足呀！