千樂燒味餐室 (已結業)

天氣熱辣辣Lunch實在唔想食同樣熱辣辣既飯,但同事又想食燒味...行左去公司附近既千樂燒味坐低,正當頭痛之際發現原來除左白飯之外係可以轉粉麵仲要有我好耐無食過既瀨粉!!咁當然要叫瀨粉啦~依家好少餐廳有瀨粉食架嘛咁我就叫左乳豬油雞雙拼配湯瀨粉乳豬同油雞一如以往我食開既一樣咁好食~佢地既乳豬真係皮脆肉嫩份量又唔算少架油雞今次我覺得特別好食, 因為今次d油雞既雞皮特別薄,咬落無反胃既感覺,仲帶有明顯既香甜味道添雞肉肉質嫩滑, 點薑蓉一齊食真係好好好好正架湯瀨粉其實都幾大碗, 仲配埋兩條靚菜心瀨粉配燒味查實又真係幾夾, 爽口好食!