影片
更多
2022-10-19
924 瀏覽
今日放假，去咗中環坐摩天輪，之後上山頂行大運。雖然平日有做開運動，但行完一個圈都已經無乜力氣，好想搵間餐廳坐低攤唞下，順便食埋晏。記得廣場入面有間燒鵝湯館，據說係由鼎爺主理，應該係信心嘅保證。店舖主打靚湯同燒味，一場嚟到，當然唔可以錯過。點咗個二人套餐 (388)，睇下個陣容幾豐富，除咗包燒鵝同燒味各一碟外，仲有油菜、2 盅燉湯同白飯 2 碗，+$10 仲可以將白飯轉瀨粉或米粉。燉湯可以自選，不過店員話今日啲湯非常好賣，所以只係淨返呢款粉葛鯪魚赤小豆，湯水味道非常鮮甜，入口帶粉葛同鯪魚嘅香味，飲落好順喉。醬皇燒鵝例牌：碟燒鵝嘅色水好靚，赤紅帶光澤。鵝皮酥香脆口，食落仲有鵝油嘅脂香。鵝肉水準亦唔錯，肥瘦均稱，嫩滑又多汁，配滑溜嘅瀨粉食，真係無得輸！脆皮燒腩仔例牌：腩仔用上新鮮豬炮製，肉質肥瘦相間，食落香嫩有嚼勁，味道亦啱啱好，唔會過鹹，加上食嗰時個皮仲係脆卜卜，用嚟送飯一流。食完咁多肉，食番碟油菜平衡下就最適合不過。碟菜心好正，條條都色澤翠綠又唔覺老，而且亦無灼得過火，入口清甜無渣👍
雖然平日有做開運動，但行完一個圈都已經無乜力氣，好想搵間餐廳坐低攤唞下，順便食埋晏。記得廣場入面有間燒鵝湯館，據說係由鼎爺主理，應該係信心嘅保證。
店舖主打靚湯同燒味，一場嚟到，當然唔可以錯過。點咗個二人套餐 (388)，睇下個陣容幾豐富，除咗包燒鵝同燒味各一碟外，仲有油菜、2 盅燉湯同白飯 2 碗，+$10 仲可以將白飯轉瀨粉或米粉。
燉湯可以自選，不過店員話今日啲湯非常好賣，所以只係淨返呢款粉葛鯪魚赤小豆，湯水味道非常鮮甜，入口帶粉葛同鯪魚嘅香味，飲落好順喉。
醬皇燒鵝例牌：碟燒鵝嘅色水好靚，赤紅帶光澤。鵝皮酥香脆口，食落仲有鵝油嘅脂香。鵝肉水準亦唔錯，肥瘦均稱，嫩滑又多汁，配滑溜嘅瀨粉食，真係無得輸！
脆皮燒腩仔例牌：腩仔用上新鮮豬炮製，肉質肥瘦相間，食落香嫩有嚼勁，味道亦啱啱好，唔會過鹹，加上食嗰時個皮仲係脆卜卜，用嚟送飯一流。
食完咁多肉，食番碟油菜平衡下就最適合不過。碟菜心好正，條條都色澤翠綠又唔覺老，而且亦無灼得過火，入口清甜無渣👍
張貼
