阿爺燒鵝餐室

營業中

休息中

阿爺燒鵝餐室之前已經聽朋友提過話佢地啲燒味唔錯，不過因為只有大圍同西灣河有分店所以一直未試過，今次去開附近做野就順便買個外賣返屋企食。阿爺門面雖然同普通燒味鋪差唔多，但入面其實佢係似一間茶餐廳，裡面有好多張四人枱，比舊或燒味鋪乾淨企理好多。佢地除左燒味，其實仲有其他中式碟頭飯、涼拌小吃、三文治同西多。叉燒燒肉鵝油撈麵($63) - 燒味雙拼飯本身$53，唔想食飯仲可以轉瀨粉、米粉式者生麵，我就加左$10轉鵝油撈麵。叉燒唔算太肥，不過食落都鬆軟。燒肉肥瘦相間，燒肉皮仲好香脆。鵝油撈麵好爽口，麵條唔會痴埋一舊，亦唔會太油。例湯($15) - 係眉豆花生雞腳湯，雞腳煲到好腍，湯頭好入味，出奇地冇乜油，感覺好健康。奶醬多($16) - 奶醬雖然未至於多到瀉，但加埋烘底已經好好食。紅豆冰(跟餐加$8) - 紅豆煲得夠腍，奶味啱啱好唔會蓋晒紅豆甜味。奶茶紅豆冰($28) - 茶味幾香濃，加埋又腍又甜嘅紅豆，好好飲。總結，燒味質素唔錯，比快餐店好食，但環境又乾淨企理過燒味鋪，鍾意佢除左燒味亦有其他野食，就算同行朋友唔想食燒味都啱食。