和幸刺身燒肉居酒屋 (已結業)

食飯時間行過銅鑼灣唔知食咩好，咁岩拎左張阿姐派既傳單，就把心一橫去試下呢間樓上鋪。門面不俗，有設計過的日本特色餐廳，入到去都有熱情的侍應招待，彷如重度日本之旅般。叫左兩個set lunch，一個雜錦燒肉定食同魚生定食，兩個飯都令人有不錯的印象。雜錦燒肉飯既肉係要自己燒的，雞、豬、牛肉各兩塊，每塊都鮮嫩多汁，有燒肉店的水準。配上一口白飯，令人有食過返尋味的想頭。 定食中仲有沙律，蒸水蛋，麵豉湯，全部野既水準都幾好。另外魚生飯定食都差不多，再額外送上兩三片的三文魚，三文魚唔算厚身，但肉質滑而且肥美，其他的魚生都頗為新鮮，係中午飯食到呢種質素都無乜可以挑剔。最後仲有牛奶布丁作飯後甜品。