南대門

營業中

休息中

相信大家對呢間都唔陌生，餐廳位於韓國街，主打多款正宗韓式料理，燒烤、飯/麵、鍋物、炸物樣樣有齊，老少咸宜，一定有款啱你心水～ 室內環境設有鐵製圓枱，加上店員都係韓國人，唔講唔知以為真係去咗轉韓國旅行呀😆一坐低店員會送上泡菜、芽菜、粉絲等小食，調味適中，開胃又好味😋 肉類方面有好多選擇，除咗套餐之餘亦可以散叫，醬醃薄切五花腩份量十足，腩肉肥瘦比例啱啱好，油脂豐富，肉質嫩滑而且醃得夠入味，唔洗額外點醬～ 韓式牛肋骨湯肉味香濃，牛肉煮至軟嫩，做到肉骨分離，湯底順喉香甜，配上熱辣辣，粒粒分明又飽滿嘅白飯就最合適不過了！牛肉八爪魚火鍋超級大個，應該有四人份量，而且賣相一流，淨係打卡都有排你完🤣 上面有成七八塊牛肉，厚切，肥美，嫩滑，多汁、裏面藏咗隻八爪魚，新鮮，香甜，爽口，彈牙、而下面就鋪咗娃娃菜、韭菜、金針菇、紅蘿蔔、韓式餃子、年糕、粉絲等等嘅拌菜，配料滿滿，豐富又健康，會話性價比幾高👍🏻