影片
更多
2018-11-19
627 瀏覽
藥膳雞煲 $198早排天氣涼涼地，肥妹仔同屋企人去咗新蒲崗嘅一間燒烤店到食飯。見到有藥膳雞煲，睇個樣望落都唔錯，所以就叫咗一隻嚟試下。佢個藥膳雞煲湯底有紅棗，杞子，淮山等等藥材，飲落去非常清甜。 而佢既雞係好滑，好香雞味，食落去啲肉一啲都唔柴，當個雞煲滾咗嘅時候，肥妹仔同屋企人都差唔多飲曬成煲湯，因為真係超級清甜，超 滋潤。蒜味風味炒蜆 $65豉椒炒蜆就食得多，蒜味炒蜆肥妹仔第一次食。呢一個蒜味炒蜆好香牛油同蒜香味，食落去好新鮮，一啲都冇沙，好好食。燒法式鵝肝多士 $45肥妹仔我係鵝肝多士愛好者，見到梗係會叫一客黎試下啦!呢度嘅鵝肝燒到非常香脆，口感好綿密，好香鵝油嘅香味，再加上多士烘到脆卜卜，塗上牛油，食落去非常正。鹽燒黃立倉肥媽係海鮮愛好者，所以叫咗條黃立倉畀佢食。佢嘅黃立倉亦都係燒到非常香脆，但係魚肉肉質亦都保持濕潤，值得一讚。再點上佢提供嘅泰式辣醬，食落去酸酸辣辣，非常滋味。燒原隻厚肉魷魚除咗黃立倉外，肥妹仔我哋仲叫咗一條燒魷魚。佢嘅燒魷魚係非常之厚身，而且燒得一啲都唔乾，食落去仲好濕潤，而且燒到有少少焦香，所以食落去好鮮味。蒜香燒大海蝦另外我哋仲叫咗兩隻燒大蝦，佢嘅蝦係
藥膳雞煲 $198
早排天氣涼涼地，肥妹仔同屋企人去咗新蒲崗嘅一間燒烤店到食飯。見到有藥膳雞煲，睇個樣望落都唔錯，所以就叫咗一隻嚟試下。佢個藥膳雞煲湯底有紅棗，杞子，淮山等等藥材，飲落去非常清甜。 而佢既雞係好滑，好香雞味，食落去啲肉一啲都唔柴，當個雞煲滾咗嘅時候，肥妹仔同屋企人都差唔多飲曬成煲湯，因為真係超級清甜，超 滋潤。
蒜味風味炒蜆 $65
豉椒炒蜆就食得多，蒜味炒蜆肥妹仔第一次食。呢一個蒜味炒蜆好香牛油同蒜香味，食落去好新鮮，一啲都冇沙，好好食。
燒法式鵝肝多士 $45
肥妹仔我係鵝肝多士愛好者，見到梗係會叫一客黎試下啦!呢度嘅鵝肝燒到非常香脆，口感好綿密，好香鵝油嘅香味，再加上多士烘到脆卜卜，塗上牛油，食落去非常正。
鹽燒黃立倉
肥媽係海鮮愛好者，所以叫咗條黃立倉畀佢食。佢嘅黃立倉亦都係燒到非常香脆，但係魚肉肉質亦都保持濕潤，值得一讚。再點上佢提供嘅泰式辣醬，食落去酸酸辣辣，非常滋味。
燒原隻厚肉魷魚
除咗黃立倉外，肥妹仔我哋仲叫咗一條燒魷魚。佢嘅燒魷魚係非常之厚身，而且燒得一啲都唔乾，食落去仲好濕潤，而且燒到有少少焦香，所以食落去好鮮味。
蒜香燒大海蝦
另外我哋仲叫咗兩隻燒大蝦，佢嘅蝦係非常大隻，而且亦都係非常厚身，食落去爽口彈牙。加埋蒜蓉上去。食落去有香蒜味又食到蝦本身嘅鮮味。
美國安格斯肥牛 $208
其實除咗雞煲之外，肥妹仔我哋仲叫咗一客 美國安格斯 牛肉嚟打邊爐。佢嘅牛肉質素非常高，雪花紋好靚，食落去肥瘦適中，好香牛脂味。
白鱔片 $88
肥爸嘅至愛，每次打邊爐都要叫，佢嘅白鱔片又係非常新鮮，食落去超級爽口，而且鱔嘅香味亦都有，正。
手打芝心蝦丸 $58
呢個肥家姐食到拍曬手掌，真係超級好食。佢嘅蝦丸係用新鮮蝦肉打成，好好食不在話下，而入邊真係有爆漿嘅芝士，食落去超濃芝士味。
凍檸茶 $22
凍檸7 $22
椰青 $45
張貼
