影片
更多
2020-03-18
71 瀏覽
其實間唔中都鍾意食下串燒嘅。呢間鋪頭呢之前睇過好多次亦都見到評論都係唔錯嘅！今日終於嚟到試吓佢嘅串燒係咪真係咁招積先！去到嗌左魷魚鬚、黑毛豬肋串、牛肋串同埋炭燒牛舌串。上網見到有好多人食魷魚筒，但係我哋兩個人應該都食唔晒，所以就叫咗魷魚鬚。佢個魷魚鬚我覺得做得好好，因為首先燒得好香，而軟硬度適中同埋佢個燒汁非常入味。串燒有得揀辣定唔辣但係我朋友嗰日唔係太舒服所以就唔要辣。咁店員知道我想要食辣，佢會主動問我要唔要辣粉。咁我本身叫咗小辣先嘅，咁食魷魚串燒，加麻辣粉就非常惹味。但係我呢個鍾意食辣嘅人，小辣邊岩我呢，所以最後就改咗要大辣粉😍感覺真係唔同晒架即刻又麻又辣，正！咁你地去到鋪頭就識點揀啦。而個黑毛豬亦都非常鬆軟，調味適中，豬味好重。平時我都好鍾意食牛舌，佢呢個呢非常鬆軟，唔會好似平時嗰啲太不更，值得推介。仲有燒豆腐同埋鮮冬菇。我好推介呢個燒豆腐！一來比較少有啦，二來佢係非常之香脆佢嘅質地係一流，味道亦都好夠。一咬落去非常香脆之後入邊就係充滿豆香嘅豆腐，非常之香脆令人想一食再食！而鮮冬菇亦都非常新鮮，加埋調味辣粉，再三回味😍 之後仲有雞胸軟骨、羊肉串、菠蘿同埋日本芝士年糕。佢個雞胸軟骨
去到嗌左魷魚鬚、黑毛豬肋串、牛肋串同埋炭燒牛舌串。上網見到有好多人食魷魚筒，但係我哋兩個人應該都食唔晒，所以就叫咗魷魚鬚。佢個魷魚鬚我覺得做得好好，因為首先燒得好香，而軟硬度適中同埋佢個燒汁非常入味。串燒有得揀辣定唔辣但係我朋友嗰日唔係太舒服所以就唔要辣。咁店員知道我想要食辣，佢會主動問我要唔要辣粉。咁我本身叫咗小辣先嘅，咁食魷魚串燒，加麻辣粉就非常惹味。但係我呢個鍾意食辣嘅人，小辣邊岩我呢，所以最後就改咗要大辣粉😍感覺真係唔同晒架即刻又麻又辣，正！咁你地去到鋪頭就識點揀啦。
而個黑毛豬亦都非常鬆軟，調味適中，豬味好重。
平時我都好鍾意食牛舌，佢呢個呢非常鬆軟，唔會好似平時嗰啲太不更，值得推介。
仲有燒豆腐同埋鮮冬菇。我好推介呢個燒豆腐！一來比較少有啦，二來佢係非常之香脆佢嘅質地係一流，味道亦都好夠。一咬落去非常香脆之後入邊就係充滿豆香嘅豆腐，非常之香脆令人想一食再食！而鮮冬菇亦都非常新鮮，加埋調味辣粉，再三回味😍
之後仲有雞胸軟骨、羊肉串、菠蘿同埋日本芝士年糕。佢個雞胸軟骨就唔同平時雞軟骨，佢係夾雜咗一啲肉咁就一次過滿足兩樣。之後羊肉就一啲羶味都冇，做得出色。食咗咁多肉類咁就食返個燒菠蘿等佢嘅酸甜化解返串燒嘅油膩。再食埋最鍾意食嘅芝士年糕，軟綿綿的年糕加上流心芝士，叫人欲罷不能😍
仲有白汁芝士同雜菇蘆筍燒蠔，兩樣都係我中意食既野，非常啱心意。佢總共有四款醬汁可以俾大家配搭。如果食海鮮最怕就係佢唔新鮮，不過好彩呢度冇呢個問題。
之後食埋燒茄子（原條）同埋牛油燒開邊大花蝦。大大條茄子非常吸引，啱晒鍾意食蔬菜嘅朋友。加埋香噴噴嘅牛油大蝦，同埋蜂蜜綠茶配合，這餐圓滿結束。
我諗呢間餐廳真係有質素保證，因為我哋坐喺度食，到我哋走嘅時候不斷有客人來。當我地走嘅時候已經全場差唔多滿座。同埋店員好細心佢會留意你食乜嘢，有啲咩困難佢會幫你同埋提點你。態度親切樂助，有機會都會再嚟！
張貼
