韓川

營業中

休息中

旺角地點方便而且食肆集中，今次好掛住韓國美食，就去左通菜街韓川試下。Order左溫泉蛋帶子芝士湯烏冬、韓川菜包五花腩、真露焗蜆、韓川燒巨蠔+蒜蓉，飲品有韓國橙味及蘋果味特飲。溫泉蛋帶子芝士湯烏冬湯底好creamy，可能加左芝士關係，仲有溫泉蛋就特別香濃，帶子絕對鮮甜而且烏冬夠彈牙爽滑。韓川菜包五花腩用新鮮生菜包住韓式醃製嘅肥美五花腩肉，亦可因應自己口味加入洋蔥或蒜片，及吾同醬汁，一啖咬落去有多重口感味覺。真露焗蜆好多兼蜆大隻，因為用真露焗所以份外清甜入口。韓川燒巨蠔+蒜蓉值得一提，係必食之選，用原隻手掌甘大嘅鮮蠔，加入大量蒜蓉連殼燒，蠔超鮮味及精華多。韓國橙味及蘋果味特飲由韓國出品，為依餐加上完美句點。