影片
更多
2018-10-15
245 瀏覽
之前上網見到有人分享土耳其菜，令我一直都想試吓土耳其嘅菜式，尤其係熱沙咖啡。今日經朋友介紹下，終於去左一間位於油麻地既fusion菜餐廳。餐廳有一個開放式吧枱，坐近啲可以見到調酒過程。所有位子都係梳化，全程晚餐都坐得非常舒服，坐窗口位仲有靚景。週末既晚餐當然要飲酒，可以麻醉下自己，接日返工返學嘅沉重事實。我叫左一支青島，職員問要唔要玻璃杯，非常貼心。經職員介紹下，女朋友叫左一杯既甜甜地既cocktail，cocktail主要由malibu同tequila調製成 ，malibu帶有hazelnut既味道，所以比較甜。酒精濃度唔算高，易入口，所以女友都幾鍾意。重要既野要講三次，燒羊架真係好好味，好好味，好好味。羊非常軟嫩，而且唔羶，三大件非常滿足，賣相亦靚，真係睇得又食得。燒羊架仲會配上印度簿餅，夾埋羊肉食亦得，得左。第二個主菜係印度香春雞，咖哩汁偏稀身，唔太辣，送飯一流。雞非常嫩滑，煮得非常入味。唯一可惜嘅係份量比較少。當然唔少得地道熱沙咖啡。由落咖啡粉，到將杯不斷係沙上面打圈都係純人手製作，製作過程係一種享受。不同平時飲嘅咖啡例如latte，熱沙咖啡回甘，帶來輕微苦澀。唔好睇得一小杯，
餐廳有一個開放式吧枱，坐近啲可以見到調酒過程。所有位子都係梳化，全程晚餐都坐得非常舒服，坐窗口位仲有靚景。
週末既晚餐當然要飲酒，可以麻醉下自己，接日返工返學嘅沉重事實。我叫左一支青島，職員問要唔要玻璃杯，非常貼心。經職員介紹下，女朋友叫左一杯既甜甜地既cocktail，cocktail主要由malibu同tequila調製成 ，malibu帶有hazelnut既味道，所以比較甜。酒精濃度唔算高，易入口，所以女友都幾鍾意。
重要既野要講三次，燒羊架真係好好味，好好味，好好味。羊非常軟嫩，而且唔羶，三大件非常滿足，賣相亦靚，真係睇得又食得。
燒羊架仲會配上印度簿餅，夾埋羊肉食亦得，得左。
第二個主菜係印度香春雞，咖哩汁偏稀身，唔太辣，送飯一流。雞非常嫩滑，煮得非常入味。唯一可惜嘅係份量比較少。
當然唔少得地道熱沙咖啡。由落咖啡粉，到將杯不斷係沙上面打圈都係純人手製作，製作過程係一種享受。不同平時飲嘅咖啡例如latte，熱沙咖啡回甘，帶來輕微苦澀。唔好睇得一小杯，其實後面既長柄杯仲可以倒多一杯。咖啡杯亦非常精緻，可謂一次難得既體驗。
最後老闆請咗我哋食龍鬚糖，同香港龍鬚糖最大分別嘅係入面冇花生饀，，而且由白糖製成，土耳其版本嘅龍鬚糖糖絲非常幼細，柔軟蓬鬆，充滿空氣感。
今次晚餐終於令我感受到土耳其嘅氣息，就算將來去唔到土耳其，我都會間唔中去呢度飲一杯熱沙咖啡。
張貼
