激安燒肉工房 X 大眾燒肉酒場 (已結業)

呢間餐廳嘅裝修好似日本燒肉店，佢既店面唔算好起眼，入到去別有洞天，有種好溫馨嘅感覺。餐廳除咗有單點嘅項目，仲有燒肉套餐，我哋今次揀咗呢個燒肉餐真係超抵食，佢包括多款嘅和牛，有厚切牛舌心、天使和牛肋肉、和牛沙巴當、千本筋等，全部都好高質。除咗牛肉，仲有柚子漬雞肉同埋味噌五花。熟食方面，免治和牛多士真係勁邪惡，多士烘到好香脆，中間夾住肥美香濃嘅和牛，一啖咬落去，勁滿足。炸物都唔錯。食燒肉配上紫菜月見飯，完美。