燒肉屋 (清風街)

住喺天后嘅朋友，推介咗我一間燒肉店，叫燒肉屋，佢話呢間舖頭好受歡迎，勁多唔同嘅遊客會去食，佢問我有冇試過，仲要話好推介，之後主動訂位約食飯。望一望啲相以為係日本燒肉，但係出奇地又會有韓國嘅前菜，既然價錢唔貴就試吓啦。叫點前菜，幾個人簡單叫少少海鮮，再加佢肉肉寶盒，飲杯特別嘅飲品，咁就一餐。蒜蓉牛油烤凡立貝，上菜嗰刻的確幾搞笑，中間送一個韓式嘅紫菜飯，當然燒呢個技巧實在冇乜難度，質素也屬於正常水平，但咁嘅配搭真係第一次見。薄切宮崎和牛後配特製月見燒汁，個樣非常靚，完全係打卡必吃。生蠔有買一送一，法國Les Huitre，唔係好大隻嘅品種，買一送一就直刻叫，唔會有投訴嘅價錢同品質。寶盒入面有A5和牛肉眼蓋係主打及多種稀有部位，$459嘅價錢還可以吧，當然和牛肉眼蓋係最出色，稀有得來非常好吃。燒了一個晚上，加兩杯特飲，大家談天說地，簡單的在小店的氣氛吃得像在異國般的晚上。