影片
更多
2023-07-08
5433 瀏覽
📌 牛角Buffet (雅蘭中心) - 旺角彌敦道639號雅蘭中心2樓209-213號舖🗓(8/7) 星期六 ⏰ 下午2:30左右 💈特式：講開燒肉，好多人第一時間都會諗起牛角，牛角係香港有超過20間分店，當中有提供放題嘅牛角Buffet就有6間，今日就去在雅蘭中心店，相信佢應該係6間中最具人氣嘅一間。🥩🍔🌭🌮🥗🥯🥘🍲🍝🍣🥟🍤🍱食物：佢地係分唔同等級肉同食物種類同平日/假日等嚟區分價錢，以前就係分Lv1 去到 Lv5，最近就轉左分為(日)(風)(水)(世)(唯)(霧) 6級唔同嘅燒肉套餐，而家等我同大家講下🐮味道先。水之燒肉套餐 $438 - 呢個算係中間值位嘅餐，可以揀選嘅食物，未計出面可以攞嘅前菜/小食/甜品/飲品，都已經多達118款，以下我重點講下有咩特別推介比大家。🐮牛類 - 牛類選擇都唔少，有唔同級數/部位，每款仲會提供2~3款口味，真係令人花多眼亂，當中最推介一定係牛舌(無論辛味/塩味)，另外和牛牛肋條/牛板腱，仲有日本國產牛肩脊肉都非常出色。🐷🐐豚羊 - 豚同羊種類就唔算多，當中日本熊本豚角燒，同唯一一款羊肉，紐西蘭羊頸柳表現都唔錯。🦐🦪海鮮 - 最底個兩個級數
🗓(8/7) 星期六 ⏰ 下午2:30左右
💈特式：講開燒肉，好多人第一時間都會諗起牛角，牛角係香港有超過20間分店，當中有提供放題嘅牛角Buffet就有6間，今日就去在雅蘭中心店，相信佢應該係6間中最具人氣嘅一間。
🥩🍔🌭🌮🥗🥯🥘🍲🍝🍣🥟🍤🍱
食物：佢地係分唔同等級肉同食物種類同平日/假日等嚟區分價錢，以前就係分Lv1 去到 Lv5，最近就轉左分為(日)(風)(水)(世)(唯)(霧) 6級唔同嘅燒肉套餐，而家等我同大家講下🐮味道先。
水之燒肉套餐 $438 - 呢個算係中間值位嘅餐，可以揀選嘅食物，未計出面可以攞嘅前菜/小食/甜品/飲品，都已經多達118款，以下我重點講下有咩特別推介比大家。
🐮牛類 - 牛類選擇都唔少，有唔同級數/部位，每款仲會提供2~3款口味，真係令人花多眼亂，當中最推介一定係牛舌(無論辛味/塩味)，另外和牛牛肋條/牛板腱，仲有日本國產牛肩脊肉都非常出色。
🐷🐐豚羊 - 豚同羊種類就唔算多，當中日本熊本豚角燒，同唯一一款羊肉，紐西蘭羊頸柳表現都唔錯。
🦐🦪海鮮 - 最底個兩個級數套餐就只有多春魚同青口兩款海鮮，去到水之燒肉級數就會再多5款，包括塩味牛油帶子/牛油廣島蠔/塩燒鯖魚/車海老/魷魚軟骨燒，除左鯖魚我地無試，其他都係幾高水準，尤其是車海老好新鮮，魷魚軟骨燒就好爽口彈牙，不過唔沾醬料就無乜味道。
小食/前菜 - 另外出面自助嘅牛肉昆布湯/牛角飯/泡菜都係必食之選。
甜品 - 有自助甜品區同軟雪糕機，軟雪榚口味有成5~6款，燒肉放題嚟講，口味選擇算多，當中有一個特濃朱古力，我就覺得最好食。
☕️🍵🥤🧋🍺🍷🥃🍹🧉🍾🍶🥛
飲品 : 飲品係自助形式，自行出去斟，有啡咖機，汽水機，果汁及冷泡茶，種類都多達2~30款。
🍽環境：餐廳佔地都幾大，有大量卡位，出面自助區都算乾淨衛生，整體都叫做企理，但抽風真係做得麻麻，越坐就feel到越大陣油煙味。
🤵🏻🤵🏻♀️🤵🏻♂️服務：全程係用QR Code落單，入坐前職員都好用心介紹menu，態度都算可以，上菜速度都ok，但收碟速度就有點慢，但就無漏單/扣單情況出現。
💰💸價錢：今日一共5人，叫左個水之燒肉套餐，埋單就$2190，為返每人就$438，價錢算正常合理。
🐲💬總結：今日係同朋友慶祝生日，牛角Buffet都係慶祝生日嘅其中一個好地方，不過100分鐘限時就真係有點短，因為始終燒肉係費時過火鍋，所以100分鐘就有少少唔夠用。
推薦指數：❤️❤️❤️❤️❤️
水之燒肉
$438
40 瀏覽
0 讚好
0 留言
水之燒肉
$438
67 瀏覽
0 讚好
0 留言
車海老/魷魚軟骨燒
57 瀏覽
0 讚好
0 留言
軟雪榚
113 瀏覽
0 讚好
0 留言
張貼
