佐賀山田 (已結業)

揀左附近間燒肉火鍋放題，可以揀任食燒肉120分鐘，或任食火鍋90分鐘。今次我地揀$358/位，120分鐘的嚴選和牛燒肉放題。一入座就送 雪之燒肉盛，有哂乾冰出煙效果，都好有睇頭。佐賀和牛真係油脂豐富，份佈平均，入口快即溶。和牛一口牛都多肉汁同好咬口。肩脊肉、牛板鍵、牛胸腩，都牛味濃郁，肉質好。第一輪多數都高質好味d，我地再點左幾輪，發覺原味係好味同正d，感覺新鮮d。牛油蜆肉、菇、粟米.....超香超正，但好邪惡。蜆肉一半有沙，一半無沙，但牛油燒真係香。另外，菇同粟米都好岩牛油燒，而且食極唔膩。醃過嘅肉，感覺肉質差d，而且醃得太重味，食唔到牛味同埋好口乾，不過雞肉都唔錯。牛舌都爽口，但只有薄切，同埋有部份偏硬。漏單情況係繁忙時候都嚴重，但過左9點幾再落單，就正常返。炸物見到吸引，但份量過多，跟本食唔哂，味道一般。我仲整左紫菜溫泉蛋飯，好夾燒肉。係自助盛珍珠米，自己加紫菜加溫泉蛋。甜品一般，迷你泡夫比較好味。飲品款唔太多，不過都有啤酒。