盛八日式燒肉店 (已結業)

原先想去銅鑼灣果間，但係只得中環有得book！中環呢間座位比銅鑼灣闊落好多，無咁密集就無咁嘈，無咁大油煙味，舒服得多。我地點左以下食物:泡菜味豚拖羅其實係用韓式醬醃既豬頸肉，砌到成朵花咁上枱。味道帶小辣，重蒜味，肉質爽爽地。P.S. 醃料唔係撈得幾勻，有幾塊沾得好少汁。果味牛胸腹呢碟好味！油花均匀，輕輕燒一燒，成口都充滿牛香，一d都唔韌！個汁少少甜甜地，唔會蓋過牛既味道。全晚表現最好既一款燒肉！黑椒和牛粒有少少中伏既感覺...其實不嬲去食燒肉我都唔會叫肉粒，因為無論燒得生同熟，都是韌到不得了的。以為呢個係和牛就試下，點知都係一樣....一定唔再點盛八拉麵志在叫個主食，無咩expectation。湯底有牛肉粒，上面放左好多葱，比較油，但味道唔錯。麵質都剛好。由於男朋友係會員，有現金券，埋單~$350 。下次都會再黎，不過只會點番d穩陣野。