華勝燒鵝 (已搬遷) 新店位置

聽講有間燒臘店新開張，晏晝走去試吓啲下午茶。走到門口，見到下午茶價錢牌都幾吸引，跟住走入去。叫咗一碗燒鵝瀨粉$33 ，一碗叉燒瀬粉$30。仲有例湯餸同埋有嘢飲。瀬粉爽口，燒鵝顏色較為黑，但味道唔錯。至於叉燒瀬粉，切得像日本叉燒，味道唔錯。嗰啲女店員都幾健談，原來燒味師傅係大酒樓師傅，走出嚟自己做老細，所以出品都有返咁上下。食完個下午茶，跟住亞姐重介紹啲燒排骨， $55一大盒。跟住仲買咗一盒燒腩仔$66同埋買咗$30叉燒返去啤一啤。又食又拎。燒排骨，燒腩仔同埋叉燒，都好好味，大師傅即係大師傅。