燒蝦蝦 (興泰大廈) (已結業)

呢間燒蝦蝦係新界區都幾出名，我有朋友之前食完都好推介，我今日就終於試到，我地今日食7:30後既時段，$368一位，絕對抵食！流水蝦✨任食呢度既流水蝦係主角，真係任食，全部新鮮既大頭蝦係水缸入面游黎游去，每隻都好生猛，淨係夾啲蝦出黎已經好好玩呀！啲蝦夾到出黎燒果陣仲識郁架🫣隻隻都大大隻，又有膏，燒完唔駛調味都已經好鮮味好正，又爽口陣牙，出色呀！海鮮✨任食呢度有一大個海鮮枱既海鮮都任夾任食，款式好多，連原條既大眼雞都有得任食😳魚肉好鮮味好結實，另外花螺都任食，仲有扇貝都係，勁大飯囉，青口又鮮甜，啲蜆都好正，全部都好得呀！