木船泰國粉麵專門店 (已結業)

今日去完郊遊， 見到呢間裝修幾有氣氛價錢又唔貴，就入去食個dinner 。 汁燒黑豚腩肉飯 配 冬陰湯呢個飯好有驚喜，豚腩肉片加上燒汁烤到少少濃邊，甜甜地嘅醬汁好香口，火候時間啱啱好，食落唔油膩，好好食。佢飯入邊仲有溫泉蛋，面飯面有麻醬青瓜絲，真係滿足三個願望。 冬陰湯都好飲，佢唔算好辣，但夠香濃，推介大家食燒豚腩肉 同埋冬陰湯。香茅豬扒飯(定食) 配 肉丸雞湯呢個定食好抵食， 七十幾蚊有齊晒三款泰式前菜 （ 魚餅、酸菜、鳳爪），湯同大大碟香茅豬扒。好啱人數唔多但係又想食泰式小食嘅人。 而肉丸雞湯，雞味都幾濃，但個人都比較鍾意冬陰湯。鹹檸七 泰式奶茶兩款飲品都好足料，就算加咗冰都好夠味道。小店環境好溫馨，有個姐姐級嘅店員好熱情。