富泰燒烤樂園

營業中

休息中

今年嘅香港好似唔見咗冬天，日日都好鬼熱，難得今個weekend凍咗少少，咁就去燒吓嘢食啦！不過，假期燒嘢食最怕霸唔到爐，仲要拎住一袋二袋，所以我哋去到屯門嘅富泰燒烤樂園，由兆康站行過去約15分鐘，如果揸車嚟，仲可以你免費泊車，都算幾方便架。收費已經包左一個爐，兩包炭，紙巾、一人一支燒烤叉同碟，仲有一支水同飲品。食物區選擇唔少，而肉類仲係真空獨立包裝，夠晒衞生之餘仲唔似出面將唔同嘅味道放埋同一隻碟，不過就相對唔環保喇。雞翼一包有4隻，味道有咖喱雞翼、蒜香雞翼、麻辣雞翼、香辣雞翼同南乳雞翼。我哋就最鍾意鹹香味重嘅南乳雞翼，醃得好入味。另一推介係咖哩魷魚，咖哩味超香，魷魚好彈牙！當然唔少得丸類同腸仔啦。 蔬菜類都有唔少選擇，而粟米係勁甜！而燒麵包係我最拿手嘅！