奇趣餅家

營業中

休息中

今日五點幾約左人又未夠鐘，但又鬼咁肚餓，行經呢度就決定買個燒餅食下啦，其實週不時行過都會買架，因為又平又抵食。今日黎到依然係好多人圍住間舖頭，都幾多一幫襯下，D人都做到無停手，不停遞野，收錢同找錢。講返個豆沙燒餅，話一拎上手真係勁熱辣辣，係熱到辣手，拎唔到架!!! 所以我都要攤下陣先擺得入口!!!個燒餅皮厚度均等，煙煙UNUN，真係剛剛好，而且D餡又幾多下，甜度適中，真係好味。食到尾好唔捨得佢，咁快就食哂LU...下次再買過先。