銀龍茶餐廳

營業中

休息中

響沙田做嘢因為係比較接近工業區，所以搵嘢食會有啲困難，大家亦都唔係好想午飯時間一齊出去迫，所以結果都係叫外賣，純粹最簡單諗住搵間比較近又方便嘅餐廳，跟住有人提議叫銀龍。淨係諗住簡單乾淨快靚正，跟住見佢話個炒飯係熱賣食品，所以就叫你試吓，全名叫做大蝦仁楊州炒飯。分量來講叫做不過不失，正常覺得應該會裝滿個盒多啲，的而且確有好幾隻大蝦仁嘅，冇呃人。味道方面就有啲淡，同埋唔係淨係我一個人覺得淡，可能要加番啲鹽或者豉油先至正常返啲。炒飯方面好難形容，飯粒本身唔算太乾身，但係食落口嘅時候覺得成個炒飯好dry，好想要飲水先至吞到嗰種感覺。個人嚟講呢個感覺唔算太好。