niji bistro, Noritake - Gifts (已結業)

在路上爬咗少少食評，加上本身喜歡食鰻魚，本想叫個鰻魚蛋包飯，不過侍應哥哥熱情地介紹信用卡二人晚餐優惠... 就點了：(1)蟹肉牛油果三文魚籽煙燻沙律樽 - 打開個蓋就噴煙霧，很有仙氣，不過友人話恐怖，真係各花入各眼，味道方面有新鮮感的好味。(2)北海道帶子南瓜忌廉湯伴鮮奶泡及荳蔻 - 預期的一般好味。(3)拆肉龍蝦汁意大利飯 - 賣相麻麻地，第一啖覺得有少少鹹，但龍蝦味絕不欺場。(4)芝士煙肉焗龍蝦及燒安格斯肉眼扒配脆炸薯角及沙律 - 沙律新鮮，脆炸薯角不油膩，芝士煙肉焗龍蝦好味有質感但肉偏少，燒安格斯肉眼扒有牛味但緊記要趁熱食。(5)自選精美蛋糕 - 食慣80%以上黑朱古力，唔係我杯茶。(6)一保堂賀之茶 - 聞似麥茶，飲似普洱。總括而言，好味。