茜廊餐廳 (德福廣場1期)

營業中

休息中

今朝睇完卓健想搵個地方坐低食早餐，見到茜廊有位就走入去，服務員指示我坐入面嘅檯。坐低跟住用QRcode落單隨便嗌咗個普通早餐，主要都係想飲杯咖啡提吓神，服務員就攞咗個鐵壺有滾水有餐具過嚟俾我，我記得我以前都講過壺熱水其實有啲危險，到今次我特別小心，但係摸一下原來個兜水只係小小暖，我用紙巾抹乾淨餐具，食咗個早餐。食完正在睇緊手機新聞時，突然間直望佢地個工作位發現佢哋將其他枱用完嘅鐵兜水循環再用，壺水唔係次次倒走，其實算環保行為，我就明點解我兜水只係暖暖地了。