茜廊餐廳 (德福廣場1期)

營業中

休息中

茜廊餐廳是在九龍東成長的三四十歲中年人士的回憶, 因為餐廳在觀塘區已經有超過40年歷史, 以前父母帶我們去吃也是因為考試成績出色作為獎勵, 然後就會在附近淘大商場的歡樂天地遊玩, 再在附近的模型舖買禮物, 那時候很難得到的現在相對簡單就能獲取, 但回憶依然美好. 食物質素老實說就是一般港式西餐質素, 但回想起那時候能夠提扒類, 意粉, 中西式燴飯, 甚至是麵包, 而位置相對中產區域面積相對大的, 就只有這一家, 其他如花園餐廳的同類餐廳也少了位置上的元素, 所以對我來說有特別印象. 今次吃的牛扒, 夠厚, 也不會太熟, 肉香勉勉強強, 不會是很出色的水準, 但是就是幾十年如一日的味道.Sidewalk Cafe evokes memories for middle-aged individuals in East Kowloon, having been established for over 40 years in the Kwun Tong area. Previously, parents would take their children there as a reward

食左個早餐，羅宋湯雞肉粉，幾好食，咖啡都好飲。需要食客自己 QR Code 下單，不過又收 10% 服務費。建議取消 10% 服務費，唔好又要節省人手，又收客人服務費，咁樣好影響客人觀感!

叫咗羊架配意粉，意粉同羊架分開上，意粉就落完單鬼咁快上，店員放低意粉仲不忙串下你「洗唔洗比啲醬你撈意粉」，同佢講我仲差個羊架，追完成個鐘都未出到。追四五次廚房係都唔出，同行朋友甜品都食埋，我個主菜都未到。

我相信係因為先入為主囉，原來我對一啲大件夾抵食嘅嘢真係冇乜興趣。佢份量好似好多，不過性價比唔算高$108 -1個燒春雞set lunch，雖然有餐湯、蒜蓉包仲有嘢飲添 不過一啲都唔buy。燒春雞並唔係春雞，勁大隻。連我姪女咁鍾意食雞雞都冇興趣，反而大家對薯條就有啲興趣啦，雖然佢都唔係算好食另外一個咖喱牛腩飯 set lunch, 差唔多$100，出邊嗰啲茶記我諗仲好食 都係嗰句啦，雖然佢係大大碟咖喱好多牛腩，不過⋯ 個白飯又係大大碗，可惜唔係粒粒飯 最想講係佢個蒜蓉包，乾到一個點。我諗佢係將個芝麻包劏開兩邊，一啲都唔香蒜蓉味 失敗失敗難得姪女自己話想見我專登過嚟搵我食lunch（佢得兩歲都未夠）咁我當然要盡地主之誼啦。雖然我係X X銀行員工有八八折 不過都幫補唔到啲乜，加咗一再八八折番 嘥鬼氣全部都食淨好多😬😬

友人路經見到有特惠推介晚餐時間都唔洗一百蚊就有特級肉眼配薯菜跟蒜蓉包餐湯送飲品湯, 包, 扒及飲料整體 OVERALL 很大份量,蒜蓉包夠熱,剛剛出爐脆卜卜,蒜蓉牛油味濃肉眼有牛味做到五成熟薯菜是薯仔及椰菜及西蘭花飲品有紅梅汁堂食要加一QR code下單

近期應該係暑假出咗個安落斯西冷，試咗幾好食，好有牛味。價錢唔算貴，百六蚊左右，有餐湯、凍飲，堅滿足。今朝番工經過仲見到出咗個奧運奪金75折既優惠，茜廊出名多選擇，晚餐有春雞、又有意粉、咖哩，如果叫羊架75折都平成30蚊喇，今晚考慮下叫埋屋企人一齊坐低涼冷氣慢慢食先

所謂優惠餐只限手寫落單，以QR CODE落單係唔會有任何著數優惠比你架！**餐廳門口海報所示並無提及有關事宜**話說今日同同事五人到茜廊食晏，坐低店員自然地就放低QR Code比我哋落單，從來冇提過任何有咩優惠，有咩需要注意。五人裡面四人叫咗兩份西冷、兩份肉眼（1份鐵板，1份碟上）， 本人就叫咗其中鐵板肉眼扒餐，正因我掃碼落單時剔咗碟上所以後叫店員幫忙修改單，店員打印單出嚟核對時見到落咗咩餐都冇提示過用碼落單係冇優惠價呢樣嘢。直到埋完單比晒錢見到海報問佢就話要手寫落單先得？！呢啲收款細則係咪應該一併印喺海報裡面話比人知，而唔係要客問先話比人知！大家真係要小心呀！

嗌咗四個嘢食，燒安格斯牛肉、西班牙走地雞半隻、蒜片欖油蝦球墨西哥吉品鮑魚天使麵、特級西冷牛扒配薯菜，加埋洗咗五六百蚊，喺父親節嘅時候食，食完全部都一般般，杯嘢飲等咗10分鐘吹咗兩次都未嚟，服務態度一般般，仲要個餐講咗三次都落錯單，服務方面可以改良。啲薯菜上到嚟淋哂，個蒜片欖油蝦球墨西哥吉品鮑魚天使麵冇乜味，唔建議嗌，四個嘢食得個西冷OK，凍檸茶就不過不失，冷氣唔夠凍，人多嘅時候有啲熱。希望可以改善一下，服務態度還需改善。

午餐時点了牛扒和龍蝦汁蝦意粉套餐， 各包了一杯飲品，西湯和一片蒜蓉包。 首先，蒜蓉包是微暖的 ，有蒜香味， 但麵包很韌口，不好吃。吃了一口便放棄了。西湯正常。奶茶唔建議，沒有茶香。主菜方面，牛扒份量ok，但入口即嘗到濃濃的調味料味道， 扣晒分。龍蝦汁蝦意粉味道也偏鹹。

係九龍灣歷史悠久的茜廊，都好開心佢到今時今日重做得住…😂一個人閒日4點幾去食下午茶，唔洗等。坐四人枱。講真，茜廊食物質素係一般，絕對唔係好好味，但都未至於好差。今日食焗肉醬意粉，即叫即焗，成碟份量好多，應該同正餐時段一樣多，食唔晒。我遇到既侍應遮遮好nice，全部都好有禮貌，反應快，加上環境舒服乾淨，每次都坐到梳化位😀，好少可(茶)餐廳咁寬敞，用餐經驗好好。所以想俾個正評支持下。臨走見到都有9成滿。餐廳收加一服務費。

復活節嘅最尾一日 留港消費去咗九龍灣茜廊食晚飯雖然係公眾假期 好彩嚟到都即刻有位叫咗個二人晚餐 落完單唔夠兩分鐘服務員好快就攞咗餐湯同埋餐包過嚟佢哋都係熱辣辣 而個包亦都係幾脆再嚟就上咗小食同埋凍奶茶雞翼方面 雞皮烤得幾脆 冇乜雪藏味炸蝦方面 幾有驚喜 外皮炸得好脆 蝦肉彈牙凍奶茶正常發揮 值得一陣幾大杯再嚟就到今日嘅主菜西冷牛扒塊牛扒好大塊 亦都好厚叫咗四成熟 咬落去唔太多筋 而且肉汁亦都係非常多 都算唔錯煙三文魚卡邦尼意粉三文魚煙燻味幾好食而裏面亦都有好多煙肉 意粉方面亦都幾煙韌 唔會煮過頭最後上埋藍莓芝士蛋糕藍莓味都算出 都幾大舊最後埋單298蚊加一兩個人食到超飽喺公眾假期食都算幾抵 而且餐廳環境算幾好 坐得幾舒服性價比幾高

好耐無去過九龍灣探朋友，逛了德福商場之後揀了吃西餐，好耐無吃過這間餐廳見到有抵吃二人餐$298，頭盤意粉主菜各一份和餐湯甜品飲品各兩份，非常吸引。我地點了兩份二人餐，紅白湯都係紅湯雜菜湯穩陣啲，餐包咸豬仔好大個焗得香脆，前菜薯角拼蝦棗，另一個鳳尾蝦配雞翼，好豐富。意粉三選一我們選了香煎雞扒松露意大利飯和煙三文魚卡邦尼意粉，估不到份量好足夠，意大利飯煮得入味可口，主菜三選一我們點了兩份牛扒五成，熟度都做到。上菜很快略嫌不夠熱，竟然包埋甜品兩客慕思蛋糕幾好吃，食物份量足夠五人也吃不完，非常超值，必須推介再試。

早餐時段唔算多客，但其中一位女侍應生態度勁差😡，將QR Code 個牌掉落枱，算係乜態度！ 所以見到咁嘅態度，都唔想幫襯！ 請着呢啲咁低質素嘅侍應生啲老闆真係冇運行，質素下降。影響生意 ！

同事離職之日，我哋就約咗去食呢間西餐廳。我就揀左香草原隻春雞配薯條🍟本來見到隻雞係好似幾靚，點知切開之後，食落無乜雞味。佢有鹹味，但係如果合上眼睛，係唔知食緊咩肉😅外表係好，味道就爭啲。而且價錢相對唔算抵食。

假日嘅德福廣場人山人海，間間餐廳都勁多人，小朋友肚餓周圍搵下坐得舒服又唔使等嘅舖剛好喺平台見到呢間可直入，正常西餐廳格局，一推開門就有位可入座，不過人較多唔俾平排坐，要同小朋友坐對面下午茶餐牌同門外有啲出入，選擇唔算好多，價錢都算合理燒雞肉羅宋湯煙斗粉 配牛角包及飲品餐牌見到係雞扒切件，上檯變成雞粒，應該得返半塊扒，小朋友食一啖飲一啖水話好咸，沖咗2次水都食唔到好狂個牛角包都ok又大件，暖暖地夠頂肚熱即磨咖啡不過不失笑笑係俾職員超快手拎水同上餐