麻辣派對 (瑞生酒店) (已結業)

食過銅鑼灣間麻辣派對，覺得不錯，今日剛去尖沙咀，所以試吓尖沙咀的分店先。裝修同銅鑼灣店非常一致，都係一啲非常熱鬧的顏色，大電視不停播着廣告。Book咗12:00 ，12:30已經坐滿晒，非常多客，可能這裏的Lunch $58起，相對比較抵食。非常有趣的濕紙巾，很幽默。酸菜剝皮魚， $248未食過剝皮魚，第一次食，魚肉炸過，很香脆，但沒有什麼魚的鮮味，魚的份量都頗多，叫咗BB辣，感覺同唔辣冇乜分別。另外叫咗一個lunch套餐，辣子雞套餐$68 ，加$10改水果茶。雞肉很乾，辣椒很多，套餐配一個白飯和糖水，份量足夠的。用OpenRice book位有九折，但只限餐牌正價食品。午市套餐是沒有任何折扣的。裝修很熱鬧，侍應招呼尚算不錯，但人手不足，所以侍應們都很忙碌。食物質素還算不錯，中午套餐真的比較抵食。