牛太郎 (已結業)

今日去左旺角行街，晚餐揀左食牛扒，係熱石燒牛排呀。呢間牛太郎係女人街旁。餐廳都幾大，好寬敞，坐得舒服。餐廳做緊11月優惠，300g 既牛肩脊骨同牛肩肉眼都做緊特價，甘抵食一同朋友於各叫一款試試。大家食之前記住帶返圍裙，因為一掀開紙巾，火喉十足。餐廳會將我地嗌既牛肉燒至一成熟，再放喺熱石上面，自己就可以將牛煮到自己想要既熟度。餐廳準備左海鹽和黑胡椒比客人調味，但我覺得食返牛肉嘅原味最正，因為牛肉夠新鮮。300g牛肉份量好多，食到一半已經開始飽。呢度叫石燒牛，仲包湯、飯、沙律菜任食。