正宗上海生煎皇 (已結業)

支持小店！雖然唔係成日出深水埗，但Lee間食店不止食過一次了，每次食完都想再嚟，正正因為佢個生煎包囉，飽肚食物，每次都無法食太多，但真係好好味，包嘅底部煎得香又唔會燶，包內嘅湯汁好甜，係肉汁嘅甜，真係好正！店主好好，仲有個教學食法"生煎四步曲"，全靠睇咗先唔會食到就身都係，點解我咁講，因為我真係見到有其他食客噴汁呀！仲有佢個"灌湯小籠包"一樣咁出色，皮又唔厚，啱啱好。除咗LEE兩樣美食推介，另外仲食咗"雞絲粉皮"，小店勝在每款細細碟，又唔貴，可以叫多兩款都得，我媽咪就最愛LEE個小食，每次食上海嘢，基本上都必食，LEE個小食佢讚得嘅，都係唔錯㗎！唔好以為細碟樣樣都小，見到張相你就知，足料，好多雞絲，麻醬分量啱啱好，粉皮都好滑。"薰魚上海麵"都唔差，薰魚汁又甜又惹味，只係我自己就怕佢太硬太多⻣，但屋企人就好like；"擔擔麵"我就啱食D，LEE度嘅麵煮得啱啱好，本身擔擔麵就偏膩，但LEE度都唔會太膩，都OK好食。