新竹源越南餐廳

營業中

休息中

香茅牛柳絲撈檬，檬粉爽身，條條分別，牛柳絲香口入味，但有時會有些小根。 仲有開胃酸口紅白蘿蔔絲，九重搭，新鮮碎粒花生（花生脆香，無油益），炸香乾蔥頭片及新鮮蔥油，自行加上適當魚露雞汁醬，撈埋食清新，酸酸甜甜易入口，本來無胃口食野，好容易食晒，仲唔係好夠喉潻。生牛肉牛坑腩湯粉，牛坑腩好淋好正，湯底好夠熱，生牛肉好薄，浸落湯底可以即刻熟曬，肉質仲好鮮嫩，唔會老晒，加上九層塔葉，芽菜，新鮮嘅洋蔥，青檸汁，紅辣椒仔，加落個湯度，熱辣辣嘅湯，酸辣嘅湯汁，河粉又幼又滑，適合而家的秋意天氣，熱辣辣可以暖下個胃。