風雲丸 (已結業)

今日又去灣仔上堂，上完堂經過w square見到呢間風雲丸， 已經晚上九點幾，都仲好滿座。於是我又入去食埋一份。由於太肚餓，叫咗一個小食同一個沾麵。 小食係沙拉唐揚炸雞。 熱辣辣新鮮炸出嚟，雞肉都算 juicy，好食。主菜係石鍋肉盛豚骨魚介沾麵。 由於我鍾意食熱嘢就叫咗溫面，冇叫冷麵。石鍋端上嚟嘅湯熱辣辣，滾咗都超過一分鐘。 將温麵再浸入熱騰騰的湯裏面，食落口滋味無窮。 由於係肉盛，有成四塊肉，肉嘅肥瘦分明，可以唔食肥，食落仲甜甜地。叫埋杯啤酒，咁就完美的一餐。另外，呢度嘅服務態度非常好，超讚。