嚥宮

營業中

休息中

鐵路效應，去堅尼地城實地考察，行左去旺中帶靜的厚和街，短短的一條街都起碼+10間食肆，㨂呢間係因為見有人排隊，跟住等位都應該唔會太錯。幫襯當日估計開業不久，人手不足，3-4伙計照顧成廿張枱，雖然有派籌等位，門口亦安排櫈供等位客坐，始終有少少亂，幸好等位的顧客都好自律，不致於等太耐，十分鐘左右有枱埋單就有位。點菜都有幾款點心紙，有午市蒸飯配點心優惠。當日兩人惠顧，叫左一個蒸飯套餐再加2-3籠點心。蒸飯成個煲仔上，個優惠唔駛40蚊有埋碟菜，超抵。叉燒腸粉一般，嫌叉燒碎濕濕。菜肉蝦蒸餃（一時記唔起叫咩名），似乎係自製，因為個皮好厚，估計足料澄麪，十分'煙'靭。雞扎，讚。見隔離枱叫個石鍋生煎包，好香，但太飽叫唔到，留番下次試。埋單兩個人都唔駛$120，唔怪得咁多人等。