一日三餐 (已結業)

一點半左右去到，約三十人喺前面，大約排了一個鐘左右。等既時候已經見到有人食緊鐵板銀芽肉絲炒麵，啲銀芽勁多好大份。坐低又見到隔離位食緊鐵板雜排餐，心思思想食鐵板餐，於是叫個xo醬豬扒炒烏冬，等左大約15分鐘就到了。啲烏冬熱辣辣，喺冬天食暖笠笠，加左枱面供應既辣椒醬好惹味，而豬扒都好大塊，食得滿足。至於朋友叫左常餐，份量都足夠。最開心多士係用丹麥酥包，除左煎蛋炒蛋外，亦可以揀配薯餅。 值得一讚係餐廳侍應好有禮貌，服務良好！