串燒兄妹 (華景大廈)

營業中

休息中

今日在土瓜灣做完野，難得唔使再返公司，朋友公司又在土瓜灣附近，梗係約朋友相聚一下。 朋友話好想食串燒，那我們就即興上網尋找，見到這間串燒店評語唔差，就試下呢間啦！店舖雖然細細，但串燒選擇種類卻不少，而且價格亦親民。店內有堂食位置，不過外賣客人原來亦不少。這裡的串燒即叫即燒，我們都認為串燒熱辣辣，剛燒好是最好吃，所以就選擇了堂食。😋是日選擇：1️⃣豬腩肉🍽表面燒得好焦脆，油脂味道好香。 2️⃣豬頸肉🍽唔會太乾，食落有少少肥。 3️⃣雞肉🍽肉質嫩滑，還保留咗肉汁。 4️⃣雞中翼🍽皮燒到微微焦，內裡肉質保持鮮嫩。 5️⃣雞腎🍽爽口彈牙，口感一流。 6️⃣菠蘿🍽酸酸甜甜，越食越開胃。 7️⃣烤煙鴨胸🍽肉質厚身，略有點鹹。 8️⃣魷魚鬚串🍽較細少，食落唔算韌。 9️⃣燒秋刀魚🍽最超岀預期，超級大條。 🔟燒雞泡魚乾🍽非常有咬口，燒得好香脆，加上沙律醬好正。 串燒可自由選辣度：唔辣 / 小辣 / 中辣 / 大辣 / 魔鬼辣，可按自己喜好去選擇。總括來說，食物質素都還不錯，串燒味道尚算入味，沒有加醬汁，都已經夠晒味道，而且食完都不會覺得口渴。