小草十八怪石鍋米線 (已結業)

自己都幾鐘意食米線，尋日去左旺角試左既小草十八怪石鍋米線。呢度原來可以DIY 米線，叫好啲餸，將材料鋪落石鍋，再落生滾湯，熟度、米線腍度自己控制，仲有8款湯底揀。但我地叫左先知可以DIY， 所以無玩啦。我叫既係18怪招牌金湯過橋石鍋米線，有封門牛柳、海蝦、花膠、墨魚頭、蟹柳、鯛魚片，超豐富，金湯湯底濃郁少少辣，好正。除左米線都仲有好多野食，串燒、荷葉飯， 我地就試左明爐烤海鱸同蝦膠釀豆卜。烤海鱸，酸菜魚湯底，魚都幾大條，肉質較結實。叫烤魚配一杯特飲，大大杯青檸梳打，夠哂解渴。蝦膠釀豆卜好好食，好酥脆再配彈牙既蝦肉，食唔停。