北海道爐端燒 (已結業)

通常一間餐廳用地方名行頭，就係一個信心嘅表現叫法。今日小編同老婆去食晚飯嘅就叫北海道爐端燒， 當然對今晚有點期望啦！餐廳位於3樓，一出lift 其實已經好有和風爐端燒嘅感覺。有個大大嘅sake酒桶喺門口，同埋最重要成間鋪頭都好熱鬧坐滿人，真係好彩定左位！睇完餐牌嘅選擇真係多，今晚都比平時叫多咗嘢因為想試吓唔同嘅菜式。當然小編唔會放過試甲羅燒(蟹蓋蟹肉蟹膏燒)。首先服務員真係攞個爐過來準備，大概到咗之後佢示範將奄春蛋同埋燒酒放落去一齊煮熟佢。佢示範話只要一收水就可以食啦！個蟹膏真係冇得頂，其實一路食一路都聞到好多客叫！之後試咗個前菜明太子沙律，轉眼間好快就食晒！今日真係好開胃。再嚟就係個炒麵同埋帶子烏賊燒，炒麵我見到差唔多10枱有8台客order 。原因你食落就知，真係好似餐牌咁叫神奇炒麵，神奇地咁好食到最後壓軸就喺稻燒安格斯牛扒，牛扒大約medium rare 熟。我覺得稻燒就有點似慢烹咁，所以有啲似roast prime steak 不過係日本板個肉好嫩同個汁真係好夾！題外話下次會試吓呢個，芝士意粉， 完全新鮮見佢喺餐廳正中心度炒。好期待下次再幫襯！