影片
更多
2024-02-03
25 瀏覽
💡熱鬧天后居酒屋天后雲集各路美食，今次同朋友搵到間好有氣氛嘅居酒屋，撞正逢星期二晚有live band，牆上又有日本風景短片不停播放，零舍好氣氛！回歸正傳，講返食物先：🍽️海葡萄海藻沙律海葡萄本身天然有種淡淡海水鹹味，配上幾種口感不同但味道輕身嘅藻類，海葡萄滋味高亢突出，如果鍾意重口味嘅朋友，可以配上店家嘅沙律醬油撈上一齊食呀。🍽️刺身盛合5點🐟刺身絕對新鮮，分別有帶子、牡丹蝦、劍魚腩、八爪魚同埋深海池魚。帶子晶瑩厚肉、池魚鮮甜、劍魚腩柔軟肥美、八爪魚厚實彈牙、牡丹蝦肉爽且甜，掂！出品拍得住魚生店！🍽️川海老唐揚🦐微微焦香，但蝦味濃郁，蝦仔舖上薄薄椒鹽，一粒一粒食唔停，亦可以滴上檸檬汁。酸爽過後仍然呷到椒鹽蝦香，適合佐酒。🍽️自家製免治雞肉棒（明太子、月見）🐓雞肉棒入面混合雞軟骨碎，本身嘴嚼玩味已經好好。混合月見（蛋黃）嘅雞肉棒入口平和滑溜，蛋香豐腴。明太子口味就帶些許鹹辛，食落更加惹味。🍽️串燒（豚肉露荀卷、雞腿肉）食材優質，廚師輕輕小小海鹽已經係畫龍點睛。豚肉露荀串：明顯係日本豚肉包上新鮮露荀，豚肉清甜，露荀無渣爽口多汁；雞腿肉：外皮帶應有嘅焦香，肉質彈牙而且肉汁亦冇流失。🍽️吉列和牛🐂柔軟嘅
天后雲集各路美食，今次同朋友搵到間好有氣氛嘅居酒屋，撞正逢星期二晚有live band，牆上又有日本風景短片不停播放，零舍好氣氛！回歸正傳，講返食物先：
🍽️海葡萄海藻沙律
海葡萄本身天然有種淡淡海水鹹味，配上幾種口感不同但味道輕身嘅藻類，海葡萄滋味高亢突出，如果鍾意重口味嘅朋友，可以配上店家嘅沙律醬油撈上一齊食呀。
🍽️刺身盛合5點🐟
刺身絕對新鮮，分別有帶子、牡丹蝦、劍魚腩、八爪魚同埋深海池魚。帶子晶瑩厚肉、池魚鮮甜、劍魚腩柔軟肥美、八爪魚厚實彈牙、牡丹蝦肉爽且甜，掂！出品拍得住魚生店！
🍽️川海老唐揚🦐
微微焦香，但蝦味濃郁，蝦仔舖上薄薄椒鹽，一粒一粒食唔停，亦可以滴上檸檬汁。酸爽過後仍然呷到椒鹽蝦香，適合佐酒。
🍽️自家製免治雞肉棒（明太子、月見）🐓
雞肉棒入面混合雞軟骨碎，本身嘴嚼玩味已經好好。混合月見（蛋黃）嘅雞肉棒入口平和滑溜，蛋香豐腴。明太子口味就帶些許鹹辛，食落更加惹味。
🍽️串燒（豚肉露荀卷、雞腿肉）
食材優質，廚師輕輕小小海鹽已經係畫龍點睛。豚肉露荀串：明顯係日本豚肉包上新鮮露荀，豚肉清甜，露荀無渣爽口多汁；雞腿肉：外皮帶應有嘅焦香，肉質彈牙而且肉汁亦冇流失。
🍽️吉列和牛🐂
柔軟嘅和牛外層包裹上酥炸麵包糠，唔係講少，真係入口即融！就咁食完一件之後，可以沾一下隨碟嘅沙律醬，你以為會好膩？非也，個醬係食得出有芥末喺入面，當堂吊起牛肉嘅味道，亦都有種解膩感，不能不沾！
🍽️牛肉炒飯🐂
牛肉片炒飯略嫌單調？配角就顯得非常重要。洋蔥、蘿蔔、青蔥切得幼細又保留到食材原本口感，配埋日本米，每啖都有炒飯香氣同食到不同配菜嘅口感，細咽慢嚼滋味無窮。
張貼
