意歐

營業中

休息中

今次黎到旺角食下午茶，因為肚餓關係望咗兩眼餐牌就入咗去食，一入去餐廳就覺得餐廳環境好麻麻，餐枱與餐枱好近，而且待應得1個人。觀察周圍食客唔算多，無太多參考價值。於是我開始點餐，本身餐廳主打焗薯， 望一望下午茶餐牌見到有個鐵板牛仔骨焗薯餐配餐湯同餐飲。落單到出餐時間都快手，餐湯叫咗忌廉湯味道中規中矩，然後用蒜蓉包點忌廉湯味道都唔錯。其後主菜登場，賣相唔錯份量亦都合理，不過牛仔⻣食落去有筋導致口感一般味道偏咸，至於碎蛋沙律焗薯食落去味道唔錯，配搭幾好。最後，餐飲係朱古力，味道唔錯好有朱古力味。