影片
更多
2013-06-15
653 瀏覽
1月30日, 今日午飯時間去咗北角搵食, 因為都唔太熟呢頭, 所以梗係上網搵下有咩好介紹~ 見到呢間以sell蠔呀, 焗飯等意法式餐廳, 竟然只有好評冇劣評, 當然抱住冇死嘅心態去試下啦~ 舖面細細地唔係好易搵, 格局都幾茶餐廳, 但係餐牌有焗蠔食, 幾吸引人, 之不過我地今日只係想食個輕lunch, 冇試到.::: 芝士焗蘑菇蜆肉飯 + 凍檸茶 ::: $43 + $2一個set lunch $40-$50包餐湯同飲品, 都唔算係好貴~ 餐湯先上, 係忌廉湯, 看上去好清好齋, 飲清淡感雖重, 但係味道簡單得嚟好cream, 唔會話飲到好似用粉溝開咁~跟住上嘅焗飯賣相十分唔錯, 芝士鋪滿咗喺個飯度, 仲有少少燶咁非常香濃~ 筆起一羹飯, 芝士絲絲緊扣著, 半溶而又熱辣辣嘅芝士入口濃郁, 亦帶有半脆感~ 不得不提嘅係除咗芝士外, 蜆肉都異常地多, 雖然蜆肉喺海鮮中唔算高級貨, 但係平時d餐廳都會好孤寒咁唔會俾好多, 同呢度可以入口啖啖有蜆肉形成好大對比, 唔會齋係啖啖芝士撈飯~ 但係蘑菇竟比下去, 份量唔多亦對個飯起唔到大作用… 但係總括呢個焗飯唔孤寒又有水準~凍檸茶一貫茶餐廳貨色,
::: 芝士焗蘑菇蜆肉飯 + 凍檸茶 ::: $43 + $2
一個set lunch $40-$50包餐湯同飲品, 都唔算係好貴~ 餐湯先上, 係忌廉湯, 看上去好清好齋, 飲清淡感雖重, 但係味道簡單得嚟好cream, 唔會話飲到好似用粉溝開咁~
跟住上嘅焗飯賣相十分唔錯, 芝士鋪滿咗喺個飯度, 仲有少少燶咁非常香濃~ 筆起一羹飯, 芝士絲絲緊扣著, 半溶而又熱辣辣嘅芝士入口濃郁, 亦帶有半脆感~ 不得不提嘅係除咗芝士外, 蜆肉都異常地多, 雖然蜆肉喺海鮮中唔算高級貨, 但係平時d餐廳都會好孤寒咁唔會俾好多, 同呢度可以入口啖啖有蜆肉形成好大對比, 唔會齋係啖啖芝士撈飯~ 但係蘑菇竟比下去, 份量唔多亦對個飯起唔到大作用… 但係總括呢個焗飯唔孤寒又有水準~
凍檸茶一貫茶餐廳貨色, 有甜味冇茶味, 檸檬多夠味又夠甜, 只係茶味唔夠濃.
::: 芝士焗香草忌廉汁蘑菇雞肉意粉 + 凍奶茶 ::: $55 + $2
呢個芝士焗香草忌廉汁蘑菇雞肉意粉個樣同個芝士焗蘑菇蜆肉飯有九成相似! 面頭同樣鋪上厚厚嘅一層芝士, 唔同嘅係呢個芝士層底下仲有肥膩嘅香草忌廉汁同埋大大舊嘅雞肉. 芝士加忌廉本身就係一個無敵嘅組合, 一個香濃一個惹味基本上唔會點失手~ 雞肉雖然都唔係新鮮但喺大量芝士同忌廉點綴下惹味十足, 意粉亦出奇地仲幾爽口彈牙, 唔會搞到濕淋淋水汪汪咁~ 不錯!
凍奶茶茶味略澀, 奶味少咗d, 飲品爭少少~
可能先入為主, 俾個茶餐廳格局誤導咗, 所以本身唔會好有期望, 但係食完之後我地都覺得佢地嘅焗飯比想像中好, 味道唔係話好突出, 之不過賣相同用料都唔馬虎, 一個set lunch咁嘅價錢都幾實惠~ 下次再嚟可以試下焗蠔, 咁就見埋個真章~
張貼
