越一越南牛肉粉專門店 (已結業)

經過呢間越南粉專門店，一直都好想試，但lunch時段成日都坐滿人，所以這天趁未到晚市終於易搵位！一踏入餐廳，越南湯河嘅香氣立刻撲鼻而來，要立刻叫番一碗食呀！我叫左一碗河內綜合牛肉湯金邊粉， 加咗個扎肉蒸粉包小食同埋一杯熱嘅薏米水，呢個份量一個人食已經好夠飽㗎喇，碗湯嘅份量非常之多，綜合牛肉姐係有生牛肉、牛腩同埋牛丸， 牛腩非常之淋，但係又唔似其他餐廳咁，好似落咗好多鬆肉粉嘅質地，牛丸非常之彈牙同埋香，生牛肉亦都唔韌，好好味，個湯一啲都唔覺有味精，飲完都唔覺得口渴，加左少少青檸汁！個扎肉蒸粉包，新鮮蒸出黎，立刻熱食，裏面有蝦米肉碎，皮薄餡多，鹹鹹地配埋扎肉一齊食，呢個我一定要推介大家食👍🏻其他餐廳嘅薏米水通常都得薏米煲，但呢度裏面有埋冬瓜，甜甜地好好飲！服務員嘅態度好友善，又同我推介餐廳特式菜，值得一讚。