欣圖軒 (已結業)

食到目前為止，我覺得利苑，尖咀富豪，銅鑼灣西苑，灣仔福臨門都不差，但我食過最最最好食的芋角就在欣圖軒。芋盒出面炸得好乾身好鬆軟，入面啲芋蓉黏住蟹肉絲同海鮮粒，蟹肉絲雖然幼，但條條都食得出，無誤導好足料，唔會成口都係得啲芋蓉咁滯咁單調，食一個芋盒要2人share，將上面隻鲍魚一分為二，份量就啱啱好。唔只芋盒，推介多四樣：蜜汁燒脆鱔 蟹肉黑菌菜苗餃燕液金湯小籠包 薑蔥海蜇頭雞絲我都覺得係必食之選特別係個海蜇頭，好清新既味道，又爽又彈牙，平時出面普通嗰啲海蜇頭我會當開胃菜，一啖就放入口無咩感覺。食過呢度出品先知咩叫爽滑，應該係外爽內滑，絕對襯得上jelly fish呢個名。一粒咁既"頭"有兩款口感，好得意。每塊bite size的脆鱔燒得好香口，成隻碟都沾著一層薄的蜜糖，足夠每塊都可以均勻沾到，但又唔會搶走鱔味。