糖堂私房甜品專門店

營業中

休息中

假期前間間甜品舖都多人，以前黑布街好多甜品舖（我承認我好耐冇出過旺角），依家好多都摺晒，摺淨依一間。又唔駛等位，咪入去囉。款色好大路，開得係旺角都預左唔平嫁啦，又預左坐得迫嫁啦，不過佢都算有人性，都俾一張櫈我放個背囊。友人叫左個蜜瓜黑白涼粉，唔知佢好唔好食。我就叫左焦糖燉蛋，生果冇乜味，提子配搭怪怪的，總體平平無奇咁囉。食完其實都唔催人走既，但係好快收左隻碗，都唔好意思再逗留啦，出面又有人等位。價錢都唔算平，但係旺角區預左要咁既價錢。