焱丸水產 (已結業)

喺香港呢排都悶悶不樂，對上一次去日本已經係半年前喇，作為現代人既我已經心郁郁想去旅行，好彩今晚呢餐飯真係好有去左日本既感覺。首先裝修真係好有誠意，非常有日式風情，好有家既感覺，我自己個人喜好就係特別好中意餐廳入面果陣炭爐味，真係好香。食物方面都好出色，首先叫左個沙律開一開胃，個豆腐好滑好好味，有驚喜。刺身拼盤樣樣野都好新鮮，帆立貝啖啖肉又甜，油甘魚既油脂味令人回味，個海膽更加係特別出色，色澤亮麗又勁鮮甜。壽司拼盤份量十足，刺身大大件，池魚味較溫和啖啖清香，三文魚籽更加係我最愛，海膽帆立貝都係水準之作。炸蠔天婦羅係重點推介，首先皮夠薄又香脆，蠔燒完之後仍然可以鎖住蠔汁，食到新鮮既感覺，好出色。叫左3款燒物，首先係近年好hit既蟹肉甲羅燒，啖啖既蟹肉非常甘香，呢個真係會食上癮，完全停唔到手。燒魷魚呢淨係賣相已經一流，順帶一提餐廳侍應會幫手燒既，坐定定就有得食，最啱我呢d懶人。跟住就係燒帆立貝，哈哈無錯我其實係帆立貝怪魔，我係可以食無限既帆立貝，今次刺身同燒既都食到，好滿足呀！最後梗係唔少得一啖啤酒，一啖食物啦。