影片
更多
2024-07-21
149 瀏覽
{好高質的點心 - $508}又去飲茶，不過今次係晚市時間，我地今晚一早6點去食個靚飯行下DONKI，估唔到發現一間好味而且有特色嘅點心，而且仲有小菜提供架WO，不得不提，佢仲有無敵海景，可以望住將軍澳跨灣大橋景色真係好舒服! 推介埋大家，佢仲係寵物友善嘅餐廳黎架！今日點心叫左雪山叉燒包、牛肉球，兩個都看似普通，但食材好高質，已經覺得唔錯，再黎一個鵪鶉蛋松露燒賣，呢個有驚喜，第一次食鵪鶉蛋燒賣上面見唔到鵪鶉蛋，原來暗藏咗喺入面，而且鵪鶉蛋仲要係溏心架，真係無論係味道至廚藝都帶來驚喜!!! 另一驚喜，莫過於佢地嘅韭菜金錢蟹盒，真係好高級，外皮炸到香脆，入面除左有韭菜嘅香味，入面仲夾雜了唔少嘅蟹肉，真係又高貴又有鮮味~ 最後一個點心就係懷舊灌湯餃，呢度係最懷舊，原隻用餃皮包住D湯咁蒸熟果種，真係超考師傅的手藝，店員仲好細心咁準備好另一隻碗仔俾我地食，真係唔錯。哈哈... 見到個餐牌原來仲有小菜，叫埋個鳳梨咕嚕蝦球，嘩，一上碟第一感覺真係意想不到的足料，數埋真係有十幾隻大大的蝦球，而且食落仲係每隻都炸得香脆新鮮彈牙，各種配料仲炒得爽脆又保留到美味嘅蔬菜鮮味~ 成餐都令本麻
又去飲茶，不過今次係晚市時間，我地今晚一早6點去食個靚飯行下DONKI，估唔到發現一間好味而且有特色嘅點心，而且仲有小菜提供架WO，不得不提，佢仲有無敵海景，可以望住將軍澳跨灣大橋景色真係好舒服! 推介埋大家，佢仲係寵物友善嘅餐廳黎架！
今日點心叫左雪山叉燒包、牛肉球，兩個都看似普通，但食材好高質，已經覺得唔錯，再黎一個鵪鶉蛋松露燒賣，呢個有驚喜，第一次食鵪鶉蛋燒賣上面見唔到鵪鶉蛋，原來暗藏咗喺入面，而且鵪鶉蛋仲要係溏心架，真係無論係味道至廚藝都帶來驚喜!!!
另一驚喜，莫過於佢地嘅韭菜金錢蟹盒，真係好高級，外皮炸到香脆，入面除左有韭菜嘅香味，入面仲夾雜了唔少嘅蟹肉，真係又高貴又有鮮味~
最後一個點心就係懷舊灌湯餃，呢度係最懷舊，原隻用餃皮包住D湯咁蒸熟果種，真係超考師傅的手藝，店員仲好細心咁準備好另一隻碗仔俾我地食，真係唔錯。
哈哈... 見到個餐牌原來仲有小菜，叫埋個鳳梨咕嚕蝦球，嘩，一上碟第一感覺真係意想不到的足料，數埋真係有十幾隻大大的蝦球，而且食落仲係每隻都炸得香脆新鮮彈牙，各種配料仲炒得爽脆又保留到美味嘅蔬菜鮮味~ 成餐都令本麻甩相當滿足~ 飽飽。
美味程度：😋😋😋😋😋
環境指數：🎇🎇🎇🎇🎇
番食機會：🦍🦍🦍🦍🦍
📍 #DHYC Dimsum Restaurant (將軍澳)
將軍澳澳南海岸唐俊街23號MONTEREY Place 1樓2A號舖
張貼
