寶哥火鍋味館 (已結業)

秋風起又可以打邊爐啦，今日朋友帶我哋嚟寶哥火鍋味館食火鍋放題。火鍋放題有三種價錢套餐，我哋㨂咗最貴嘅$288套餐。呢度最大特色係任飲，吓？冇咩特別？係除左啤酒汽水，連紅白酒、竹蔗茅根、酸梅湯都係任飲喎。嘆住紅酒打邊爐，成件事高級咗。一於無盡暢飲今晚夜有七十幾款火鍋料選擇，影幅大合照先～湯底都有超過十款選擇，我地梗左鴛鴦湯底。 【香濃沙爹湯】都幾濃花生香； 【雪蓮果椰子湯】幾香嘅椰子香味，但飲落就啖咗啲啲。【刺身拼盤】種類豐富，有加拿大象拔蚌、日本甜蝦、赤身魚肉、日本刺身墨魚、日本帶子。估唔到連和牛刺身都有。【七彩海鮮、靚牛拼盤】龍躉腩、黃金貝、海蝦、生蠔、花甲、鮮魷、刀貝、大蜆、沙白其中七款嘅特選海鮮。最正係大蜆，超級鮮甜。海蝦亦都相當不錯。靚牛可揀【本地手切肥牛】或【美國特級天然封門柳】或【美國安格斯牛小排】。我哋揀封門柳，肉味濃郁，不過四個人分就真係少咗啲。【招牌三寶丸】有蝦丸、墨丸、鯪魚球。全部真材實料手打出嚟，唔係買現成架。特級美國肥牛肉都係任食