巴蜀烤全魚 (已搬遷) 新店位置

一條友無無聊聊行街，噤啱又到午飯時候，一於尋找吓有乜好地方可以覓食先俾我見到呢間巴蜀烤全魚，横掂未食過烤魚又見佢店內冇乜人入去試吓先見餐牌都有好多選擇，不過一個人叫唔到太多嘢，一個人食一條魚又好似太多而且夏天冇乜胃口，想找d濕濕地容易入口，好在呢間有泡飯食就選個五香牛展泡飯，等左大約十分鐘左右，新鮮熱辣既泡飯就送上，好在有冷氣先唔會越食越熱個泡飯真係好熱，食飯前緊係試吓個湯先啦，講到噤犀利話冇味精，點知飲落去真係唔覺味精而且好香魚湯味豆卜和飯索左個湯好好味好易入口，五香牛展好有水準，冧滑得來牛展入晒味，好甘香食得出好用心去做，呢間店原來唔係冇食客，係好多人留左枱，我一路食既時候就好多人進來，而且好多人留左魚咀和魚卜，應該好好味，因為唔係好多份好快賣晒，下次要試吓先，食完呢個泡飯真係好滿足